政情：八網難逃：獲卿姐勝利之吻小鮮肉「好幸福」
立法會前議員劉慧卿（卿姐）嘅一吻，曾經就被稱為「勝利之吻」，而佢尋日仲喺Facebook上載咗一張親吻男生嘅相。咦！小鮮肉喎，到底相中人係邊個？咁有艷福可以獲得卿姐嘅一吻呢？
其實相中人係法政匯思前召集人蔡騏，由於佢嚟緊將會去美國公幹幾個月，所以最近就同朋友食飯餞行，尋日就同卿姐食喇！
不過，其實呢一吻係另有內情嘅，原來唔係卿姐做主動嘅，而係蔡騏向卿姐索吻。點解呢？佢就話曾經聽講過，話得到卿姐嘅一吻就會帶來幸運，所以佢就向卿姐索吻喇！被吻後佢就覺得好幸運、好幸福，仲形容係「勝利女神之吻」添！