政情:公民講場:梁智仁難解公院苦況 氹人會有曙光

公立醫院爆煲,就連醫院管理局主席梁智仁都承認依家醫療系統面對硬件同人手瓶頸位,但係隨住政府向醫管局增撥資源同埋三年為周期嘅撥款計劃等,佢相信凡事總會有曙光。老實講,依家公院無論醫護人員同床位都好缺乏,雖則醫務委員會近日通過咗招聘海外醫生嘅門檻,但有幾多醫生會嚟又或者幾時先嚟?可謂係遠水救唔到近火,梁智仁所講嘅曙光,唔知要等到幾時先睇到,擺明係氹住先啫!

第一手消息請下載on.cc東網iPhone/iPad/Android/Windows Phone Apps