政情：梁栢賢臨別同醫護合唱《前程錦繡》
醫院管理局尋日舉行研討大會，行政總裁梁栢賢（PY）喺今年八月將會交棒畀高拔陞，PY喺研討會上講述臨別感言，仲同近三十名醫護人員合唱《前程錦繡》，祝願醫管局未來更好。
PY話過去醫管局面對唔同困難，包括○三年沙士、○九年嘅人類豬流感等疫情，而自己有幸同局內專業團體合作，而當中有唔少事情需要學習，需要政府同醫護人員合作。
佢發表感言後，仲同嚟自唔同醫院嘅醫護上台合唱，在場人士都一齊拍手同合唱。醫管局主席梁智仁喺致詞時，亦感謝PY多年來嘅貢獻。
醫院管理局尋日舉行研討大會，行政總裁梁栢賢（PY）喺今年八月將會交棒畀高拔陞，PY喺研討會上講述臨別感言，仲同近三十名醫護人員合唱《前程錦繡》，祝願醫管局未來更好。
PY話過去醫管局面對唔同困難，包括○三年沙士、○九年嘅人類豬流感等疫情，而自己有幸同局內專業團體合作，而當中有唔少事情需要學習，需要政府同醫護人員合作。
佢發表感言後，仲同嚟自唔同醫院嘅醫護上台合唱，在場人士都一齊拍手同合唱。醫管局主席梁智仁喺致詞時，亦感謝PY多年來嘅貢獻。