政情：切除腦腫瘤 陳淑莊出院

感謝醫護同親友照料

Tanya早前喺醫院順利完成手術，切除腫瘤，有指已證實腫瘤屬良性，有可能毋須接受化療。佢喺貼文中多謝多名為佢診治嘅醫生，由發現佢有腦腫瘤迹象、安排接受詳細檢查、為佢向法庭提供醫療報告、詳細講解手術，以至為佢順利完成手術嘅醫生團隊，同時聖德肋撒醫院嘅醫護人員，專業細心嘅服務，讓佢喺手術後有個安心休養嘅環境。

此外，佢亦多謝各方好友同聖心師妹們嘅關懷問候，銘記於心，恕未能一一道謝，跟住仲話一定要多謝阿媽，眠乾睡濕照料佢，出院後調理身子要食啲乜嘢都會聽從阿媽吩咐喎。

佔中案喺上月判刑，佢喺庭上透過律師表示左腦有一個直徑四點二厘米，體積大如一個乒乓球，需要進行手術，獲准押後至六月十日判刑。