中環出更：帶團遇議員衝突 葉建源：另一種經驗
立法會近日開會屢爆衝突，近日二樓發生衝突，周圍立立亂期間，突然見到教育界議員葉建源喺一樓會議廳外帶緊導賞團參觀立法會。嘩，會唔會好危險（口架）！葉建源回覆話，呢個團係早已安排好，當日咁亂，都有啲受影響，但帶團見到咁嘅開會情況，都算係另一種經驗，等大家可以睇下立法會運作吖！被外界知道立法會立立亂，呢種經驗係咪會搞到立法會公眾印象好差呢？
帶咗一陣就要去開會
立法會近日喺二樓開有關移交逃犯修例嘅法案委員會時，場面完全失控。葉建源話，當日早已安排教協參觀立法會嘅導賞團，突然發生咁嘅事，因而有啲受影響，搞到自己都唔可以長時間同個團一齊，只係帶佢哋睇下會議廳等地方，帶咗一陣之後，好快就要去開會喇，要由教協嘅職員同秘書處幫手帶住。
佢話，搞導賞團視乎情況調動，都有考慮過，如果情況真係好惡劣嘅話，就要取消個團，但當時覺得情況許可，所以個團都有繼續參觀，見到呢啲咁特別嘅情況，都算係另一種經驗啦，等外界知道立法會開會係點吖嘛。
卓妮