中環出更：一個月密會三次 漢奸黎又攪局
政府日前就修訂《逃犯條例》召開記者會，對修例寸步不讓，而立法會審議修例嘅法案委員會喺民主派立法會議員拉布下，仍未正式展開審議工作。有關法案委員會明日（11日）再開會，旗下報刊與民主派「大合奏」反對修例嘅壹傳媒黎智英（漢奸黎），尋晚（9日）就與同為「搞事四人幫」成員嘅「民主阿婆」前政務司司長陳方安生，以及公民黨前主席余若薇會面。唔通漢奸黎又同早前已去美國唱衰修訂《逃犯條例》嘅民主阿婆諗計搞亂檔？
逗留酒家三小時
漢奸黎尋日傍晚六時由何文田寓所前往灣仔駱克道一家酒家，過咗大約半小時，余若薇與丈夫亦乘坐私家車到達，而民主阿婆應該好早就到咗。漢奸黎等人喺酒家逗留咗約三小時，直至晚上九時三十分左右先離開。漢奸黎先離開酒家，於行人路等候其私家車到達。余若薇與丈夫及民主阿婆就喺大堂留咗一陣先至行出嚟。雖然漢奸黎未上車，但四人已再無交談，最後民主阿婆就上咗余若薇架車離開。今次已經係漢奸黎一個月內第三次攪局，唔知又想搞啲咩嘞。
卓妮