政情：八網難逃：新手學攀石 陳穎欣唔上唔落
攀石難度都幾高，好似深水埗區議員陳穎欣（Joephy）話成日都想去玩，早前終於如願以償嘞，點知呢個新手攀到唔上唔落喎。
Joephy喺Facebook上載咗段短片，影住佢攀石時有一條V2試咗好多次都過唔到，見佢上又唔係落又唔係，但係佢屢敗屢試，終於要在場嘅人鼓勵同指導下，先完成到。佢仲講笑咁話，啲掌聲唔係畀佢嘅技術嘅，而係應該覺得好在畀佢過到關，唔係佢會試到收館為止。
網民當佢係女蜘蛛俠
攀石分十級難度，而新手通常都只係玩到V1，玩到V2都好少，所以佢第一次就過到V2，已經超標喇！佢呢個新手都引起唔少網友關注，當正佢係女蜘蛛俠咁，有網友話下次上樓有新方法嘞，而佢就回應話洗樓可以洗埋外牆添！