政情：今日你上鏡：工人姐姐回鄉結婚 梁青華不捨餞行
香港有幾十萬名外傭，佢哋對僱主家庭嘅照顧真係好重要。香港鐘表業總會前主席梁青華尋日就喺Facebook擺咗兩張相，見佢同太太、兩個仔同埋工人姐姐阿Dee一齊食飯，阿Dee仲捧住個蛋糕，個個都笑得好開心。
原來被華哥視為家中一分子嘅阿Dee本月中將返祖家印尼結婚，華哥一家人提早同佢餞行。華哥話多謝阿Dee七年來幫手照顧屋企三隻狗寶貝，雖然覺得依依不捨，但都要祝福佢搵到幸福嘅人生，到時仲會去送機添！香港不時傳出僱主同家傭相處有問題，華哥就話只要僱主用心對待工人姐姐，對方自然會以誠相待喇！
（互聯網）