政情：幫本港廠家出番口氣 林宣武拳打「Trump Trump」

即場推介智能助聽眼鏡

佢話該局將迎來五十二歲生日，本月廿五日首次搞開放日，希望畀普羅大眾知道該局做緊啲乜？佢話局方今年喺日內瓦國際發明展贏得十三個獎，證明佢哋啲發明一啲都唔嘢小，又話未來一年該局會主力發展數碼轉型同智慧生活科技，仲即場推介局方開發嘅一款「智能助聽眼鏡」，由同事口中知道呢副眼鏡已被一間連鎖眼鏡店睇中，有機會喺今年內面世，兼且話好有興趣買副畀家中長者用。

其實該局嘅工作重點係幫企業搞實用科研，近年亦幫政府一啲科技基金做把關人，佢話把關工作唔易做，局方職員唔係就咁收表就批，仲要做埋偵探查核申請文件可信性，結果有啲申請真係有問題，成功幫基金把關唔使畀人呃。