俗稱「垃圾徵費」嘅都市固體廢物收費計劃，能否喺明年底順利實施仍存在未知之數，但有唔少物業管理公司同業主狠批計劃實行細節欠奉，怒轟環境局局長黃錦星「離地」。有物業管理公司尋日透露，唔少清潔公司喺合約中加入條款，列明因法例改變而導致嘅額外徵費將轉嫁業主，預計管理費至少增加一成，業主變相要「硬食」。香港人減廢意識唔夠高，配套又唔夠，強推垃圾徵費將造成災難，唔通黃錦星平時唔使丟垃圾，所以唔知民情呢？
