政情：遲睇超級英雄電影 林凱章唔怕劇透

享受同老友討論觀後感

從事玩具行業嘅林凱章話超級英雄電影衍生出唔少周邊產品，所以自己都會多加留意呢個潮流。講起近期搶戲飛，佢都話有朋友搶先要做首批戲迷，不過佢就寧願夾啱時間，再同埋一大班追開嘅老友去睇，因為可以睇完大家一齊討論先夠享受。仲笑朋友唔係專業影評人，講完都唔知佢哋講乜，所以唔怕會畀佢哋劇透囉！

吳傑莊就話自幼睇開超級英雄為主題嘅卡通片長大，所以對現時嘅超級英雄電影特別有親切感而多加留意，但佢就覺得呢類電影出得太多太密，搞到自己都追唔切咁話。