中環出更：漢奸黎又攪局驚被逃犯例引渡返大陸？
立法會正開始審議《逃犯條例》修訂草案，但一班民主派就喺度搞搞震，企圖拖垮修例。壹傳媒黎智英（漢奸黎）上月底都有出席民間人權陣線搞嘅反對修例遊行，反修例立場好明顯，遊行當日仲有人問佢︰「你做乜咁驚呀？係咪驚畀人引渡返大陸？」漢奸黎尋晚又喺屋企攪局，本身係資深大律師嘅民主黨（白鴿黨）創黨主席李柱銘（李漢奸）同公民黨余若薇都係座上客。唔通漢奸黎真係驚修例通過後會被引渡返內地，所以搵定兩位大狀求救？
漢奸黎尋晚喺其何文田屋企攪局，與同為「搞事四人幫」嘅李漢奸、「民主阿婆」前政務司司長陳方安生、天主教香港教區退休主教陳日君聚首一堂。李漢奸喺晚上六時十分率先揸車到達，佢車上仲有其太太同民主阿婆。至於陳日君就喺約十分鐘後，乘坐漢奸黎司機駕駛嘅房車抵達黎宅。
密會兩個半鐘
「搞事四人幫」「齊腳」冇耐，晚上六時四十五分，余若薇亦都同其丈夫胡健維一齊由司機接載到達黎宅。余喺上月廿九日亦曾現身黎宅，當日李漢奸同白鴿黨前立法會議員李永達、工黨前立法會議員李卓人等都在場，估唔到約半個月，余又再上門。
「搞事四人幫」同余若薇夫婦密斟兩個半小時先至散場，並坐番原車離開。如果今次兩位大狀齊集真係為漢奸黎諗計、民主阿婆上個月又已經去咗美國唱衰港府修訂《逃犯條例》，若加上陳日君幫手祈禱，真係可以話係各司其職喇！
卓妮