政情：公民講場：繞道壞抽風系統 官員瞞報又一鑊

中環及灣仔繞道通車前已被揭發隧道嚴重漏水，但路政署死撐話係正常情況，點知通車後，路政署竟然隱瞞咗超過一個月，尋日先自爆繞道東通風大樓空氣淨化系統損壞。話時話，先有選舉事務處遺失選民登記冊，隱瞞咗兩年半先被揭發，依家路政署署長陳派明又隱瞞抽風系統損壞，雖然自爆，但唔代表可以推卸責任，呢兩單只係冰山一角，反映官場中瞞上欺下嘅情況極之嚴重，必須整肅。