政情：官員回覆一味靠估 陸頌雄：係咪識讀心術

斥回覆消極 疑冇作調查

話說陸頌雄關心強積金僱員自選安排，認為每年經呢樣嘢成功轉移強積金權益宗數少，佔該年嘅僱員供款帳戶比例低，質疑係咪公眾認知不足，故選擇一動不如一靜，而唔做僱員自選安排。

負責回答嘅財經事務及庫務局副秘書長張國財就話，自選安排只係提供多一個選擇，唔應該以人數去判決計劃成功與否，而成員唔轉計劃可能不滿現有計劃收費、投資表現，亦有可能非常滿意而無誘因轉計劃。

但陸頌雄就認為有關回覆太消極，詢問局方有冇對投資者心態作調查，抑或所講嘅全為個人臆測定係識讀心術？又批評局方冇諗辦法，點樣進一步降低強積金收費，搞到張國財都話如果令佢感消極而抱歉。

另一名議員區諾軒亦有針對其書面提問話政府，佢就批評政府回覆有少少亂答，希望可以答得對題啲咁話。