好多人都鍾意一盅兩件，連立法會議員田北辰都唔例外，但係佢竟然畀點心呃咗喎。
話說佢尋日喺社交網站Facebook上載咗張相，仲貼文話「第一眼望以為枱面嘅係小籠包、燒賣、奶皇包，點知原來係朱古力嚟」。就係咁呃咗佢嘞，原來只係點心造型嘅朱古力。
邊個咁有創意，原來佢尋日同班老友記去昂坪搭纜車睇大佛，嗰啲朱古力點心就係擺喺一個藝術坊裏面，用朱古力整成嘅展品嚟，佢坦言估唔到朱古力都可以變成一件件藝術品添！
