政情:八網難逃:朱古力扮點心 呃到田北辰

好多人都鍾意一盅兩件,連立法會議員田北辰都唔例外,但係佢竟然畀點心呃咗喎。

話說佢尋日喺社交網站Facebook上載咗張相,仲貼文話「第一眼望以為枱面嘅係小籠包、燒賣、奶皇包,點知原來係朱古力嚟」。就係咁呃咗佢嘞,原來只係點心造型嘅朱古力。

邊個咁有創意,原來佢尋日同班老友記去昂坪搭纜車睇大佛,嗰啲朱古力點心就係擺喺一個藝術坊裏面,用朱古力整成嘅展品嚟,佢坦言估唔到朱古力都可以變成一件件藝術品添!

第一手消息請下載on.cc東網iPhone/iPad/Android/Windows Phone Apps