政情：公民講場：食署把關不力致癌毒魚再現

香港浸會大學尋日公布，話喺多個街市採購食用魚樣本，檢測結果發現有幾個嚟自內地常規水產養殖場嘅樣本，驗出含孔雀石綠代謝物，有致癌風險。老實講，今次毒魚再現，擺明係食環署把關不力，轄下嘅食物安全中心疏於抽查同檢測，連街市有毒魚賣都唔知，到踢爆咗嘞，署長劉利群先話會去跟進，簡直就係後知後覺。政府口口聲聲話要市民食得安心，但食環署就懶懶閒，搵市民嘅健康較飛，認真抵打。