政情：4點鐘許Sir又有「喜」 升任九巴龍運行政總監
外號「四點鐘許Sir」嘅警務處前助理處長許鎮德，今年一月過檔陽光巴士任執董，短短三個月，尋日又傳來喜訊，原來許Sir更上一層樓，兼任同一集團九巴龍運行政總監一職，除負責佢熟悉嘅企業傳訊部，仲包培訓及服務質素管理部、人力資源部，同新成立嘅職員關係及福利部。
聽聞間中要6點起身開工
九巴依家有四百條巴士線、四千架巴士、八千八百個車長，許Sir可謂身負重任，不過，雖然唔使天未光就開工，但聽聞間中都要六點鐘起身，唔係邊夠時間應付大量工作。但許Sir就好謙咁話，好榮幸載通國際控股有限公司委任佢擔任行政總監一職，九巴同龍運都擁有十分優秀嘅團隊，會與同事緊密合作，加強與各持份者溝通，致力繼續為市民提供安全同優質嘅巴士服務。