因為攞唔到立法會各黨派嘅支持，政府日前就三隧分流方案再跪低，講明二○三○年前都唔會處理，運輸及房屋局局長陳帆當日仲開晒口，話會就電子道路收費諮詢中西區區議會，點知尋日區會轄下嘅交通及運輸委員會開會，當局就臨時抽起有關議程。點解？咪就係陳帆冇畀時間班議員消化啲文件內容，於是延至五月嘅大會先再作討論。陳帆呢次碰釘根本咎由自取，事關急都唔可以夾硬嚟，尤其呢個項目咁大爭議，唔係政府想點就點！
