焗增經營成本商戶不滿
【本報訊】政府擬將上環林士街至中環美利道一帶納入電子道路收費先導計劃範圍，區內商戶及住戶紛紛投訴擾民，更變相要硬食「過路錢」。有食店東主昨炮轟計劃勢嚴重影響店舖營運，因為食店依賴食材公司以貨車運貨到店，一旦實施收費先導計劃，食材公司定必將費用轉嫁食店，「食材公司落貨要畀錢，轉頭就一定加我哋價，經營成本肯定上升，到時我哋可以點？」
貨車兜路 損食材新鮮度
威靈頓街食店經理許先生直斥先導計劃影響生意，他指食店依賴食材公司提供材料，預計實施電子道路收費計劃會為兩者帶來不便，一來增加前者的經營成本，二來後者若想「慳番」過路費，自然會將運貨車泊至收費範圍外，再以手推車運貨，屆時收貨時間勢必延長，食材新鮮度亦可能受影響。
「老細車」照駛入 收費效低
另一食店東主王小姐表明不贊成實施電子道路收費，認為計劃無助改變大部分駕駛者的出行模式，因為駛入中環核心區多為「老細車」，負責每日接送老闆上下班，未必會因收費而不駛入該區，「啲老闆咁有錢，點會因為收費而行路入嚟？推行電子道路收費效用不大！佢哋一樣駛入嚟，霸晒成條街！」