安老院舍人手短缺，政府有意輸入外勞，惟勞工團體認為應先促進本地勞工就業。身兼行政會議成員嘅安老事務委員會主席林正財尋日話，政府可以做到唔影響本地勞工嘅原則下輸入外勞，仲強調循此管道輸入嘅外勞會同家庭傭工有分別，不過佢就承認「想輸入，但未必有來源」喎。咁又係，安老院工作繁重又沉悶，家庭傭工相對快樂得多，唔通政府都預知「此路不通」？
