立法會議員工作繁忙，平時都冇乜時間可以休息，甚至係陪吓屋企人。社會福利界立法會議員邵家臻（圖右）就會趁星期日得閒啲，早啲起身陪媽媽（圖左），仲話「星期日最緊要係先同阿媽飲茶」，尋日兩母子一齊去街咁啱被撞到。邵媽媽就話，知道個仔工作忙，所以有時會特登遷就，去個仔做嘢地方附近飲茶添。邵家臻話，除咗飲茶，好多時都想帶媽媽四圍行吓，但係邵媽媽就畀佢食檸檬，話因為自己身體麻麻哋，費事行咁多喎。
