「明日大嶼」填海計劃造價最少都要六千幾億元，一個唔覺意通脹加超支，隨時逾萬億元埋單，外界好擔心納稅人嘅血汗錢隨時一鋪清袋。發展局局長黃偉綸就好似預知未來咁，聲言填海後賣地可收回工程成本，加上到時會有第三個核心商業區，提供大量就業機會，話「使出去嘅錢係返得到嚟」喎！好多賭仔都係話自己贏梗，政府將香港全副身家倒落海後，如果將來有咩冬瓜豆腐，今屆政府官員都任期滿走晒喇，到時真係唔知搵邊個追債喇！
