政情：公民講場：東翼前地再遭衝擊 張國鈞幫政府落閘

二○一四年爆發違法佔領行動前夕，學聯及學民思潮衝擊俗稱「公民廣場」嘅政府總部東翼前地。政府其後關閉東翼前地，直到二○一七年底重開。香港眾志有成員尋日闖入政總示威兼靜坐，最後要出動到警方將示威者帶走。身兼行政會議成員嘅立法會議員張國鈞事後回應事件時，就重提政府關閉東翼前地一事，仲話眾志嘅示威或者會對是否繼續開放東翼前地帶來負面影響。政府尋日都有發聲明回應衝擊事件，但就冇提及關閉東翼前地。張急不及待重提事件，係佢想幫政府落閘，定係都有人想借佢把口作出警告呢？