香港主力發展金融經濟，創新及科技發展落後，可謂人所共知。財政司司長陳茂波尋日喺電台節目承認香港創科起步慢，不過金融有優勢，當深圳或內地創科企業發展要上市集資時，香港就可以「食住條水」接生意做喎！自己創科搞唔掂，唔去諗吓製造良好環境吸引投資，竟然又教業界食老本，簡直係不思進取，錯判形勢。夾硬造大金融個餅都無補於事，可能只係賺到幾滴水，與其開口埋口話輸在起跑線，倒不如做啲實事仲好嘞！
