長久以嚟，被廉署請飲咖啡就意味住去受查，都唔係咩好事。尋日朝早大約十一點，立法會議員譚文豪（Jeremy）出現喺北角廉署總部，仲入去逗留咗一個鐘，喺大堂等候時更小心翼翼四圍望，到底佢係受查定助查？
Jeremy離開時被問到入去做咩，佢就話唔方便透露。事後我哋再聯絡佢，就坦言其實係協助求助人報案，其他詳情就真係唔講得嘞！議員為市民經常都要出入執法部門，有時候難免被人誤會，唔知佢入去有冇趁機歎杯咖啡呢？
