政情：彭耀佳出任旅發局主席 19年來首無政黨背景人士掌舵

政府尋日公布委任總商會前主席彭耀佳接替林建岳，四月一日起任香港旅遊發展局（旅發局）主席，為期三年，直至二○二二年三月底為止；值得留意嘅係，今次係十九年來首次由無政黨背景人士領導旅發局，究竟旅發局喺新人事新作風下有乜新氣象，各界要拭目以待嘞！

商務及經濟發展局局長邱騰華話，彭具豐富商業管理和公共服務經驗，係擔任旅發局主席十分適當嘅人選，相信彭將會帶領旅發局，向全球推廣香港為世界級旅遊勝地。

另一邊廂，政府同日公布經民聯監事會主席林建岳為新任貿易發展局（貿發局）主席，任期由今年六月至二○二一年五月三十一日，邱騰華話有信心林會帶領貿發局全力協助企業應對多變環球貿易環境，並開拓市場和商機。