政情：公民講場：過渡屋推動不力 蘇偉文遭議員狙擊

依家唔少基層市民住喺劏房，生活環境好差。運輸及房屋局副局長蘇偉文尋日承認依家推動過渡性房屋嘅力度不足，供求失衡，仲話政府會非常積極考慮成立專項基金，協助推動過渡性房屋。老實講，坊間一直強烈要求仲搵埋地點畀政府搞過渡性房屋，但當局就扮聾耳陳，縱使依家認衰兼補鑊又有乜用，事關連搞過渡性房屋嘅數目、地點同時間表都冇，有議員更加鬧爆佢hea港人，所以話蘇偉文齋噏冇用o架，只會當係拖字訣。