政情：買登台假髮有難度 謝曉瑩重保養
向來髮長過肩嘅粵劇才女謝曉瑩（Dianna），早前出席活動時已換上一頭清爽短髮，令人眼前一亮。講起頭上青絲，佢同其他粵劇花旦一樣，總有幾個假髮供演出時用，不過依家要再添置一個假髮就無過往咁容易喇。
幫個假髮用護髮素
佢話因為假髮都係以真髮為材料，但係依家甘願削去一頭秀髮以求餬口嘅人為數甚少，所以想搵一個夠長、夠厚且髮質夠靚嘅假髮，既難又貴，售價動輒過萬元。儘管舞台上下係有段距離，但Dianna話，花旦嘅假髮若然質素欠佳，台下觀眾一眼就睇得出，所以選購同埋保養絕不能馬虎，日常保養都要使用護髮素o架。
新近啟用嘅戲曲中心為粵劇演員提供一個靚場地，今個月底Dianna都會去演出，不過佢話今次演出係因為有免場租優惠，日後會否再到戲曲中心登台，就要視乎場租能否下調喇。