港珠澳大橋甩漏多多，近日又爆出香港接線工程承建商未有依時提交確保工程符合要求的檢查及測量表格（RISC表格），有議員就鬧爆路政署監管不力，好似瞓緊覺咁，但署長陳派明解畫話遲交表格係唔理想，仲死撐大橋嘅質量無問題。話時話，若果檢測表係冇用嘅，咁政府就唔使規定承建商要交喇，所以陳派明講仲有幾多嘢可以佐證大橋好穩陣都冇用，市民又點會信吖！
