政情：赴英被起底梁美芬唔認「華麗轉身」

梁美芬話今次演講主題係有關一國兩制下嘅香港管治與法治，所以嚟聽嘅學生對香港都有一定認識，亦都關心香港政治，被問到係咪「華麗轉身」，佢就解釋唔算「華麗」，加入建制派都不時被人鬧（口架），而且亦唔算轉身，因為當年搞學運後，一直冇加入任何政黨，只算係半個公眾人士。

帶六本《基本法》唔夠派

佢又提起，自己特別帶咗三本中文、三本英文《基本法》去英國，點知唔夠派，原來當地好多學生對《基本法》認識都唔多。佢話，此行都有見過國會議員，同佢哋傾吓英國脫歐嘅問題，發現原來唔少人都留意邊日脫歐，嗰日唔好買機票，怕連航班都會有影響，自己都記住唔好買機票嗰日飛喎。