政情：公民講場：政府要睇商界成本 私隱條例點樣修

去年本港發生咗多宗個人資料外洩事件，包括國泰航空外洩九百四十萬名乘客資料。政制及內地事務局局長聶德權尋日話，打算喺今年上半年落實《個人資料（私隱）條例》修例，當中包括加重罰則、強制企業通報外洩事故等。本身香港嘅私隱條例已經被批評落後，政府就等到出晒事先識得搞修例，仲要好保守話對修例建議持開放態度，但修例會衍生商界成本，又話要平衡商界及市民利益，真係唔知要等到外洩幾多資料先會決斷啲話支持修例，以保障市民私隱。