明哥是行政部經理，當他進入會議室時發現房間內的職員寥寥可數，頓時感到疑惑。
明哥問：「咦！點解今次開會咁多同事遲到？」經理文哥回應：「明哥，唔係遲到，佢哋係唔到，請晒病假呀。」明哥：「一個病假，理應有其他同事代表嚟開會？」文哥：「全部都病咗，我部門今日都有一半同事因流感請病假。」
明哥：「咁落去並唔係辦法喎，再唔諗諗計部門會冧喇！」文哥：「明哥所言甚是！我哋可以請相關部門安排檢查同保養冷氣系統，以維持性能良好。最重要係確保工作地點清潔，安排定時用一比九十九嘅稀釋家用漂白水消毒共用設施，好似辦公室設備、門柄等，同埋定期清理垃圾。洗手間都不容忽視，應備有充足梘液、即棄抹手紙或者乾手機，仲應維持沖廁設備運作妥當，再添置足夠嘅口罩，以備同事不時之需。」
明哥：「一言驚醒夢中人！我哋作為經理，雖然老生常談，但都應該再三提醒同事保持良好個人衞生，包括打噴嚏或咳嗽時應遮掩口鼻、雙手如被呼吸道分泌物污染，應立即用梘液並配合正確方法洗手、如出現呼吸道感染徵狀時，應立刻戴上口罩，及早求醫，高危員工更應進行季節性流感防疫注射，注重健康生活方式等。」
文哥：「明哥，為咗公司、部門同我哋嘅福祉，我哋即刻聯絡其他部門經理一齊協力抵抗呢場辦公室流感戰吧！」
職業安全健康局
www.oshc.org.hk