兩單車友連環違交通規則
【本報訊】新年期間不少人都想行個大運，除了步行外，踩單車就是其中一種方法。不過昨有司機在馬路遇到激氣事。事關有單車友接連觸犯衝燈、逆線及懶理路人安全等三宗罪，令該名司機大罵：「真係黐黐哋！」
事發於大年初一早上近九時，網民Tat Yin Sin事後將片段上載至Facebook專頁「小心駕駛（討論別人駕駛態度）」中，現場是東涌順東路，片段開始，事主駕車沿順東路轉達東路，當時交通燈正亮起綠色，但對面線突然有兩名身穿全副專業裝備的單車友高速轉彎，明顯是違規衝燈，當駛至達東路時，眼見前面有車龍等候交通燈轉燈，兩名單車友竟拒絕停車，反而逆線駛向對行線衝燈駛過一個T字路口，期間過路處雖有行人行經，他們亦一於懶理，視交通規則如無物。
網民斥害人害物
事後不少網民狠批這批單車友「敗類！害人害物」、有人曲線諷刺：「破緊風，停唔到」、「我有路權，個個都要讓我」 ，「路權好×犀利o架，喺馬路踩嘅時候就係車，一見紅燈或者踩上行人路就變咗行人，龍門任搬。」