【本報訊】的哥「唔找錢」兼強行開車狂飆，業界均批評其做法不當，指在任何情況下都不能危及自己及乘客安全，而且即使司機「無錢找」，都會在隧道收費亭或便利店等「暢錢」，擔心事件會影響業界形象。
據入行已卅多年的姓周的士司機表示，開工前一定會做好準備，預備約三百至四百元紙幣，以及數十元「銀頭」以找贖。他稱：「好少有呢啲拗撬，如果去得遠嘅，我過隧道嘅時候，會問吓個乘客係咪畀『大紙』，如果係，就喺隧道找咗先，或者到站嘅時候，睇吓附近有無便利店『暢錢』囉。」他又批評涉事司機飆車發洩的做法不恰當，又指：「如果咁夜、唔使一百蚊都找唔到，（司機）應該有問題，而且喺任何情況下，都唔可以唔顧安全！」另姓馮司機稱：「會預備百幾蚊大餅（硬幣）同埋幾百蚊紙幣找贖，唔會唔找錢畀啲客。」
汽車交通運輸業總工會九龍分會主任杜燊棠指，雖然司機有責任準備散紙進行找贖，但乘客同樣有責任，應該上車時先向司機表示自己的情況，然後協議在途中到便利店先「暢錢」，再繼續行程。在今次的事件中，杜認為乘客要求到附近的便利店「暢錢」的做法合理，相反司機強行開車將乘客載往另一地點，做法非常不智。若遇到同類情況，乘客應該報警以保障自身的安全。杜又指，警方應用強硬手法對待違法的司機，以收阻嚇作用，避免影響業界聲譽。