有極高級警務人員被指充當黑惡勢力的保護傘。消息人士指，該名警隊前高層作風謹慎，從不會直接「開聲」索取黑錢，亦不會於香港收錢。他定時以不同藉口，向黑幫頭目作出暗示，「每次佢想收錢都會作個藉口，例如話個仔喺英國留學要買書簿、個女想買架車之類，啲頭目聽到就自然識做，幾十萬、幾十萬咁準備畀佢。」
當黑幫預備好賄款後，便會安排到澳門指定賭場的貴賓廳進行交收。「貴賓廳嘅好處係閒雜人入唔到嚟，而且連荷官都可以安排番自己人做，可以話係萬無一失。」該名前高層到場後，荷官會將預先準備好的泥碼交到他手上，然後他就會開始「洗碼」，「泥碼唔可以兌番現金，但用泥碼贏番嚟嘅會係現金碼，可以兌番現金。」「洗碼」方法簡單，就是不斷同時下注百家樂的莊閒，一小時左右已可洗淨數十萬黑錢。
把所收賄款「洗白」，他才持現金光明正大返港，即使被人質疑亦可辯稱是從賭場中贏取，「因為賭廳真係有呢筆投注同贏錢紀錄，而且嗰名黑幫頭目從來都無出現過，咁樣收黑錢好難被發現。」