政情：福利好過立會 兩區議會有14周產假

男性區議員5日侍產假

繼南區區議會修例後，身兼九龍城區議員嘅立法會議員梁美芬尋日喺區議會內動議修訂會議常規，延長女性區議員的產假至十四周，亦為男性區議員提供五天侍產假，同政府新政策睇齊，議案最終獲全票通過。據知，九龍城區議會原本已經有授權票制度，所以放產假同侍產假嘅區議員，都唔使擔心喺重要嘅議案投唔到票。

兩個仔都已經長大嘅梁美芬事後解釋，今次唔係為自己爭取，係為另外兩個西九新動力兼經民聯嘅黨友，即係九龍城區議會副主席左匯雄同九龍城區議員梁婉婷爭取o架，二人分別都生咗小朋友冇幾耐，左匯雄仲生咗龍鳳胎添，就係因為咁樣，覺得產假同侍產假都好重要，所以特登動議爭取。嘩，咁多個人生小朋友，聽落真係好旺丁喎。