政情：今日你上鏡：師傅橄欖慶生 柯仔點敢失蹤

觀塘區議員顏汶羽（Frankie）尋日喺Facebook，貼咗幫佢師傅、立法會前議員陳鑑林（橄欖）慶祝生日嘅相，但就唔見陳另一個徒弟、現任立法會議員柯創盛（柯仔），唔通佢咁大膽連師傅生日都唔出席？原來唔係！柯仔話佢連同其他觀塘、黃大仙區嘅兄弟早幾日食團年飯時，已經同咗師傅慶祝，唔單止有蛋糕，仲一齊設計咗一張生日卡送畀師傅，柯仔話幫橄欖慶祝生日嘅傳統當年係由佢發起，所以佢點會唔記得！係Frankie當日食團年飯時唔喺香港，所以咪要事後補番囉！