政情：少女植潔鈴 短褲晒長腿

近來興起喺社交網站貼出自己十年前嘅相，同十年後依家嘅相做對比，東區區議員植潔鈴（Elaine）就貼出一張當年二十歲着超短褲晒長腿嘅相，引起唔少網民留言熱烈討論，問及點解依家張相唔着番同一裝束比較。Elaine話，十年前張相係當年大學社會服務團上莊搞迎新活動時影，依家就好少着短褲，一來怕街坊唔鍾意，二來成日搬嘢怕撞瘀隻腳，就算夏天怕熱着短褲，都未必會着到咁短咁話。