審計署報告早前狠批屋宇署打擊違例招牌不力，該署喺一四年實施嘅「目標街道大規模行動」，發出清拆令後進行嘅工作出現延誤，而該署尋日書面回應立法會議員提問，披露一七年共就九條街道發出逾五百零七宗清拆令，其中一百七十六宗已解決，仲有三百三十一宗尚未獲遵從，而署方至今只安排檢控當中三宗個案，檢控率不足百分之一。呢啲數字證明屋宇署署長張天祥做嘢龜速，踢極都唔郁，任由啲攞命招牌高高掛，即係攞市民條命較飛啫！
