政情：「葡萄」葉劉 區諾軒想裸跑吸睛
話說立法會議員葉劉淑儀早前喺立法會一個委員會上，因為官員落閘唔畀講領展，嬲到拍枱大鬧官員「係咪當我哋傻(口架)？」而另一議員區諾軒喺社交網站就貼文「葡萄」多間傳媒報道葉劉，仲問網民，佢下次應該除褲定裸跑喎。
令公眾注意議題
區諾軒喺貼文提到覺得洩氣，話唔好怪香港無政策研究，因為個政治制度真係唔鼓勵，正正經經寫問題冇人關心，大家只會關心拍枱走人。
佢又話拍枱走人真係好易，自己有時都會諗，點樣先可以令公眾多關心一個議題多少少，仲請教網民，下次喺會議廳做乜嘢先好，除褲定裸跑咁話。唔知區諾軒如果真係得唔到注意，係咪會找數除褲或裸跑呢？