政府收緊領取長者綜援嘅資格，年齡由六十歲改為六十五歲，而長者綜援金額同普通綜援金額相差一千蚊(口架)！話時話，退休年齡冇立法延遲到六十五歲，政府早就密謀剝削長者福利，事關呢項政策調整係政務司司長張建宗喺勞工及福利局局長任內嘅建議，依家就由現任局長羅致光向長者開刀，呢個政府確實好涼薄，冇良心。邊個會多謝佢哋？肯定係早前大講盈餘縮水嘅財爺陳茂波喇，事關唔使佢出手，就有人率先幫佢操刀嘞！
