早前被踢爆中環及灣仔繞道隧道出現大滲漏問題，尋日喺嗰度有個步行籌款活動，現場唔單止見到有滲水情況，頂部仲有裂紋，有資深工程師直指若果頂部嘅鐵絲網唔能夠將防火塗層穩固住，唔排除塗層碎片會「跌落嚟」，影響行車安全。距離通車只有兩個禮拜，到依家都仲未搞得掂，若果為咗面子工程強行通車嘅話，運輸及房屋局局長陳帆係咪想搵人命較飛先？
