被踢爆中環及灣仔繞道同東區走廊連接路，隧道段大滲漏，多名中西區區議員質疑繞道安全同結構問題，與會嘅路政署署長陳派明仲死撐繞道唔會喺唔安全情況下通車，仲加多句叫「大家請放心」。老實講，陳派明大派定心丸都冇用，事關滲漏未解決，又冇交代詳情，跟乜嘢標準、合唔合乎標準都只係佢噏嘅，邊個知啫，市民就更加唔知喇！淨係睇吓沙中線豆腐渣工程，就夠得人驚喇，仲會信班官咩！
