政情:歐遊遇搶劫 葉劉保不失

近年唔少人歐遊時都會遇到街頭搶劫,所以好多旅遊達人都會教路記得將財物跟身。前保安局局長、立法會議員葉劉淑儀(葉太)最近同女兒到歐洲旅遊抖一抖,但到最後一站荷蘭時,竟遇到電單車黨搶手袋,葉太搏命拉扯唔放手,幸好力保不失,但就受咗輕傷。

葉太尋日社交網站發貼講及同女兒抵達荷蘭阿姆斯特丹,稱讚當地班戟好食,又話物價比英國倫敦低,更參觀多個博物館。

拖到落地 擦傷手腳

不過,佢喺當地時間除夕日下午,同女兒喺名店區行街時,有一架電單車衝向佢,仲伸手搶手袋,葉太亦拉實唔放手,卻被拖到落地,對方見到未能得逞即開車逃去。

葉太又話,當地有好多熱心市民上前慰問,問及要否協助報警,但眼見無財物損失就算數,但膝蓋同手肘都有擦傷,右肩亦受傷,所以事後即刻返酒店休息。佢慨嘆首次踏足荷蘭就遇到難忘事,幸好係有驚無險,呼籲大家歐遊時都要小心。

第一手消息請下載on.cc東網iPhone/iPad/Android/Windows Phone Apps