政府去年財政預算案因派糖不均引來極大批評，其後終「跪低」補鑊，推出四千元選擇性派錢嘅「關愛共享計劃」。籌備近一年，尋日除夕政府終於公布進一步安排，凡符合條件嘅市民可由下月一日至四月卅日止遞交申請表，咪以為政府派錢當係新年禮物，因為估計申請人最快要到四月先至有錢收。財政司司長陳茂波嘅新年度財政預算案就嚟公布，去年嘅預算案竟然仲未處理完，呢個財爺係咪太懶散？
