道士非禮案被告指能醫不自醫是天規
【本報訊】報稱道士的中年漢疑藉「作法」驅嬰靈及驗屍毒為名，涉嫌多次摸胸撩陰一名四十多歲婦人及她的十五歲女兒，案件昨於區院續審，控方在庭上播放涉案五十六歲被告袁銘權的警誡錄影會面。被告在片段中直認為婦人Ｘ驅鬼時，曾接觸她的胸部及下體，但強調只為保住對方性命：「修法之人救人行先，無諗咁多嘢，如果佢覺得被非禮，會即時報警，唔會今時今日先報」。惟他表示雖能擅用法力治病，卻不能醫治自己的糖尿病及三高。他解釋：「最叻嘅法師都唔可以幫自己醫病，呢個係天規嚟，否則我咪可以有不死身？！」
指8歲夢見金羅漢有緣學法
被告在片段中向警方解釋，他要大力拍打Ｘ的胸部，將邪靈逼向下體，再用「道杯手」將邪靈從Ｘ體內拉出來，而他亦曾按壓Ｘ尿道口與陰道口間的「恥穴」，用法力令細胞及器官收緊，以解決Ｘ的尿滲問題。
被告聲言是受觀音娘娘所託幫助這個家庭，因此收費較一般人平，且還讓Ｘ進行分期付款。被告反指Ｘ「呢條八婆恩將仇報，搵警察嚟搞我」，他懷疑Ｘ因不想付尾數而誣告他。
對於Ｘ指稱他曾多次在客廳梳化上伸手入她衣內摸她胸，被告反駁指完全是Ｘ的幻覺：「冇可能有咁多次囉，可能佢畀啲靈體影響佢思緒，要非禮就要佢剝晒衫啦，我都睇過佢全相，色狼只有愈來愈狼o架嘛」。
被告又解釋，他的法術屬佛家，他亦懂得泰國降頭及遼疆蠱術，「仲有少少道家」。只有小六程度的他表示，八歲時睡在神枱下，一晚夢見金身羅漢說前生跟他有緣，今生就讓他學法，之後他就獲轉介予孔雀明皇作為第二上師。
有睇色情片 否認作法有邪念
警方在他手機中找到廿多段色情影片，當中有男替女手淫片段，他強調「正常男人睇呢啲無問題吖」，又說作法時不會對Ｘ有邪念：「就算對方幾靚女，都要放低唔可以再諗……但對其他異性嘅邪念呢係有嘅」。
案件編號：DCCC 176/2018