自從高鐵同港珠澳大橋通車後，多咗好多內地旅客嚟香港，唔單止逼爆東涌，依家連一啲唔係旅遊景點嘅地區，例如荃灣、土瓜灣同紅磡區都逼滿旅客，塞到冇路行兼人車爭路，九龍城區議會轄下一個工作小組尋日開會，多名區議員鬧爆與會嘅商務及經濟發展局副局長陳百里，直斥政府見到咁嘅情況都不監不管，陳百里變咗箭靶。確實抵鬧，事關問題唔係今日先爆出嚟，但政府乜都唔做，簡直火都嚟呀！
