政情:公民講場:街市選址南轅北轍 考起徐德義

政府嘅街市政策一直惹人詬病,唔少市民長期面對物價高昂、食材缺乏選擇嘅煎熬,部分人為兩餐搞到跨區買餸。政府最近突然開竅,喺施政報告中公布喺天水圍同東涌興建公營街市,不過政府始終都博唔到掌聲,事關立法會研究公眾街市事宜小組委員會尋日就舉行公聽會,食物及衞生局副局長徐德義都有出席,公聽會上就有唔少公眾人士批評政府街市選址有問題,包括不滿東涌新街市建於商廈中會帶起物價,而天水圍嘅街市選址又離天水圍北嘅居民太遠。公聽會上收到嘅意見同政府選址建議南轅北轍,今次真係考起徐德義喇。

第一手消息請下載on.cc東網iPhone/iPad/Android/Windows Phone Apps