政情：公民講場：換電動車反應差黃錦星懶改進

為咗改善空氣質素，政府推出電動車「一換一」計劃，車主若將持有三年以上、有六年車齡嘅私家車銷毀，並購買電動車，可獲最高廿五萬元首次登記稅寬免額，然而計劃反應非常冷淡，每月平均唔夠三十宗，有汽車及交通關注組建議縮短為持有一年，但政府回應三年後會檢討計劃，故組織批評政府歎慢板，直斥計劃失敗。其實計劃都係想加快減廢氣，既然發現有問題又唔肯適時調整吓計劃，最後達唔到標，就係環境局局長黃錦星官僚作風所累。