政情：袁莎妮認已簽字做王太

香港總商會總裁袁莎妮（Shirley）早前被揭與港視主席王維基入紙結婚，Shirley尋日出席香港出口商會周年聖誕聚餐時，可能因為人逢喜事，特別容光煥發，佢承認已簽字，可以叫佢做王太，不過習慣大家叫佢做Shirley。

佢話婚事好簡單，一家人食咗餐飯，唔使搞任何嘢o架啦，唔想煩到大家，仲講笑：「一把年紀o架啦嘛，兩個加埋超過一百歲o架啦嘛，全香港都已經知我幾多歲o架啦嘛」。

被問到拍咗幾耐拖，佢話幾年啦，又話家人都為婚事開心，同媽媽感情好好，媽媽一直都冇催佢結婚，亦從不過問佢嘅感情事，好有智慧，「第二樣嘢我媽可能好師奶，但呢啲位我媽好好o架」，而婚後工作上唔會有轉變。祝Shirley新婚快樂！